Babuuu to King of Pop

Ano ba 'yan?! Kabubukas ko pa lang ng computer eh ang tumambad naman agad na balita ay ang biglang kamatayan ni King of Pop! Puro na lang namamatay ang mga tao ngayon. Si Farrah Fawcett, Ed McMahon, Tito Dougs... Nakakalungkot na nawala na sila. Nakabawas man sila sa populasyon ng mundo, e sangkatutak pa rin namang mga nanay ang nanganganak sa kung saan-saang lupalop ng daigdig. Patas-patas din pala ang numero, kung hindi man hihigit pa.

Mabalik kay King of Pop, Michael Jackson (MJ). Di naman talaga ako fan ni Michael Jackson. Unang-una, may pagka-racist ako (oo, ang sama ko talaga!) Konti lang ang pagka-gusto ko kay MJ... Ewan ko ba kung bakit nung kasagsagan ng kasikatan nya eh wala naman akong pakialam hahaha Gusto ko siya nung bata pa lang siya lalo na nung marinig ko ung "Ben" na kanta niya. Siguro kasi naa-associate ko 'yun sa kuya ko. Nung bata pa kasi si Kuya, pinakanta sya ni Mama, at ang kinanta nya e "Bendatu"... 'Yun pala eh "Ben, the two of us were...." Oo, ung mga unang lyrics nung kantang Ben... at di ko na alam ang kasunod hehehe

Nakakalungkot din naman na mawala na si MJ. Sobrang phenomen si Michael Jackson. May mga gumagaya ng suot nya, pagkanta nya, pagsayaw, mukha nya. Siguradong "Sure hit!" ang mga songs nya (ganyan talaga... Sigurado na, sure pa!). Siguradong maraming malulungkot. Siguradong maraming reactions sa pagkamatay nya. Marami rin ang makikidawdaw (katulad ko)... Buti na lang, wala pa masyadong nagbabasa nito... Baka nga wala pa e hehehe Kasi kung meron na, sasabihin pa na isa ako sa mga nakikidawdaw.

Na-confirm na daw ng LA news ang death ni MJ, pero ang CNN, as of this writing, ay hindi pa. Pag nag-google ka nga sa pangalan ni MJ ang lalabas sa karamihang kwento e past tense na -- "Michael was..."... Haaaay.. totoo talaga ang balita.

Wala na talaga ang Peter Pan ng Pop music... Si Wacko Jacko... Oh well, nakakalungkot naman. Cardiac arrest daw.

Oh pano, Michael... Babay na. Sana sa pag-alis mo e maging masaya ka na at wag mo na dalhin ung childhood problems mo, pati na ung mga child molestation issues sa 'yo. Sana matahimik ka na...

Matagal Na Pala

Matagal na pala nang huli akong makabisita sa blog ko...

Marami na ang nangyari... Nanalo na si Pacquaio kay Hatton, namatay na si FrancisM, nag-suicide si Trinidad Etong (maybahay ni Ted Failon), kumalat na ang video ni Hayden at Katrina. Si Dra. Belo e damay na rin dahil pinaghihinalaan na sya ang may pakana ng pagkalat ng mga videos. Ang latest, si Tito Dougs namatay na rin.

Ay teka, puro shobis pala eto. E sa ibang aspeto naman kaya ng Pilipinas ano na ang nangyari? Tuloy-tuloy pa rin ang usapan tungkol sa Reproductive Health Bill of the Philippines. Lumalaganap ang A(H1N1) virus. Pandemic na nga daw. Ngayon nga mas marami na ang schools na nagsasara muna dahil sa dami ng estudyanteng nagkakasakit dahil sa Swine flu. Eh lahat naman ina-attribute dito.

Tsk tsk tsk... lahat ay napalampas ko ang kwento. Sige, pipilitin kong makakuha ng kung ano-anong kwento para may mabasa kayo. Hehehe ganun din, para may hingahan ako ng lahat ng nasa isip ko...

O sya, balik-balikan nyo lang ako ah.

Next time ulit :)